техникалық қадағалау пункті

= ТБП II (Пункт технического наблюдения)

ұрыс кезеңіне құрылатын, әскерді техникамен жабдықтайтын орган. 1930 жылдары танкілік және механикалық бөлімдерде құрылып, бақылау мен байланыстың басты пункті болып аталды. Т.қ.п. қираған, жоғалған және батып кеткен машиналардың тұрған орнын анықтау және картаға түсіру мақсатында ұрыс алаңындағы ұрыс машиналарын бақылау, қай бөлімге қарайтынын, батуы мен суға батып қирауының сипатын, эвакуациялау және жөндеу үшін қажет дайындық жұмыстардың көлемін анықтау, жақын қолайлы қалқаларды, оларға жақын жолдарды және эвакуация жолдарын таңдау үшін құрылады. Т.қ.п. танкілік және мотоатқыштар батальондарында құрылады. Қадағалауға қиын жағдайларда роталық Т.қ.п. құрылуы мүмкін. Әдетте, батальондық Т.қ.п-нде роталық техникомдар, химик-дозиметршілер, саперлер және қордағы экипаждар (жүргізушілер) болады. Жоғары жылдамдықты сауытты машиналармен, радиобайланыс құралдарымен, бақылау және түнде көру аспаптарымен, ал қажет болғанда навига-циялық аппараттармен жабдықталады.